គម្រោងសម្បូរនាគ

ការរៀបចំ និងដំណើរការសហគមន៍កសិកម្មសម្បូរនាគគឺអនុលោមទៅ តាមច្បាប់ ស្តីពីសហគមន៍កសិកម្មនៃព្រះរាជាណាចក្រកម្ពុជា។

ទីតាំងគម្រោង៖ ភូមិស្រែ ឃុំរំដោះស្រែ ស្រុកជាំក្សាន្តខេត្តព្រះវិហារ។ តំបន់ភូមិ សាស្ត្ររបស់សហគមន៍ស្ថិតនៅជិតតំបន់ជួរភ្នំដងរែកនិងភ្នំត្បែង ដែលជាតំបន់ទេសចរណ៍ ធម្មជាតិ វប្បធម៌ ប្រវត្តិសាស្ត្រ ដូចជាប្រាសាទព្រះវិហារ ទឹកធ្លាក់បុស្សស្បូវ តំបន់ប្រវត្តិ សាស្ត្រជាំតែ និងមុំ ៣ព្រមទាំងប្រាសាទបុរាណជាច្រើនទៀត។

ទំហំផ្ទៃដីដាំដុះសរុប ៤៩២ហិកតារដែលជាប្រភេទដីកសិកម្មស្របច្បាប់ មានប្លង់ ត្រឹមត្រូវ។ ហើយយើងសង្ឃឹមថានឹងមានសមាជិកជាង២០០នាក់ចូលរួម។

គុណតម្លៃ គោលបំណង និងផលប្រយោជន៍សម្រាប់សមាជិក

គុណតម្លៃរបស់សហគមន៍៖

1. សេរីភាព
2. សុខភាព
3. សហការ
4. សុចរិតភាព

គោលបំណងវែងឆ្ងាយរបស់សហគមន៍គឺនាំមកនូវភាពសម្បូរសប្បាយជូនសមាជិក និងសង្គមជាតិទាំងមូល។ គោលបំណងជាក់លាក់ គឺ៖

1. ផលិតផ្លែស្រកានាគនិងកសិផលផ្សេងៗទៀតសម្រាប់ផ្គត់ផ្គងមកសមាជិក និង សម្រាប់លក់បានប្រាក់ចំណូលចែកជូនសមាជិក។
2. ជាកន្លែងសម្រាប់សមាជិកនិងសាធារណជន មករស់នៅ ស្នាក់ លំហែរកាយ និងជួបជុំគ្នា ដើម្បីសុខភាព មិត្តភាពនិងបង្កើនចំណេះដឹង។
3. ចូលរួមបង្កើតការងារ ប្រាក់ចំណូលជូនអ្នកជនបទ និងលើកស្ទួយវិស័យកសិកម្ម និងសុវត្ថិភាពស្បៀងនៅកម្ពុជា។

ជារួមគោលបំណងចុងក្រោយបន្ទាប់ពីរយៈពេល២ទៅ ៥ឆ្នាំក្រោយ គឺសមាជិក គ្រប់រូបក្លាយជា សេដ្ឋីស្រុកស្រែ ដែលមានដីចម្ការអ្នកថែទាំដី និងដំណាំដោយចាំយកតែ ផល និងលុយសប្បាយ។

ផលប្រយោជន៍ជាក់លាក់សំខាន់ៗដែលោកអ្នកទទួលបានពីការចូលជាសមាជិក សម្បូរនាគ (ដ៣ + ស២)៖

ប្រយោជន៍ នៃ ដ៣

១. ដីចម្ការ

• ដីកម្មសិទ្ធិស្របច្បាប់មានប្លង់រឹង
• មានរបងព្រំដី
• មានប្រព័ន្ធទឹកស្រោចស្រព
• មានភ្ជាប់ជាមួយបណ្តាញអគ្គិសនីបន្ថែមទៅថ្ងៃមុខ

២. ដំណាំ

សម្រាប់ស្តង់ដារ ១ចម្ការ មានផ្ទៃដី ២៥អារ / ២៥០០ម៉ែត្រការ៉េ

៣. ដើមទុន និងចំណូល

• ចំណូលពីផលិតផលជាពិសេសស្រកានាគ (ចាប់ពីឆ្នាំទី២)
• ចំណូលពីឈើប្រណិតនៅឆ្នាំទី២០
• ចំណូលសរុបនឹងលើសដើមទុនដែលសមាជិកបានចូលរួមនៅ ដំណាក់កាលដំបូង។

ប្រយោជន៍សម្រាប់ ស២

កន្លែងសម្រាប់ដើរលេងសម្រាកលំហែរកាយ ដែលមានផលប្រយោជន៍ដល់ សុខភាព (ស១)៖

• មានព្រៃសហគមន៍ដែលត្រូវបានរៀបចំសម្រាប់ដើរ កំសាន្តដើម្បី សុខភាពផ្សាភ្ជាប់ជាមួយធម្មជាតិ(ការងូតទឹកក្នុងព្រៃ / Forest Bathing) តោមគោលការណ៍ធម្មជាតិជប៉ុន។
• មានអាគារសម្រាប់សម្រាកសមាធិនៅក្នុងព្រៃសហគមន៍។
• មានផ្ទះសំណាក់នៅលើដើមឈើក្នុងព្រៃ។
• មានកន្លែងសម្រាប់ដើរកំសាន្តនិងស្ទូចត្រីតាមមាត់អូរ និងប្រឡាយ ប្រវែងជាង ២គីឡូម៉ែត្រ។
• មានកន្លែងជិះកង់និងជិះរទេះគោកំសាន្ត។
• សួនផ្កាធម្មជាតិ។
• សួនបន្លែរួមសម្រាប់សមាជិកគ្នាបរិភោគ។
• អាគាររួមដែលមានចង្ក្រាន បន្ទប់ច្រៀងកំសាន្ត បន្ទប់ទឹក បង្គន់ អនាម័យ និងកន្លែងសម្រាប់បោះតង់ចំនួន៣កន្លែង។
• មានកន្លែងសម្រាប់ការជួបជុំសិក្ខាសាលានិងការប្រជុំផ្សេងៗភ្ជាប់ ជាមួយផ្ទះសំណាក់។
• មានកន្លែងសម្រាប់ឡើងមើលទេសភាពនិងថតរូប (ប៉ម)។
• មានមណ្ឌលសុខភាពតាមគោលការណ៍ធម្មជាតិ(មានការចូលរួម បន្ថែមពីសមាជិកនៅពេលក្រោយ)។

ផលប្រយោជន៍សង្គមនិងសេដ្ឋកិច្ចកម្ពុជា (ស២)

• បង្កើតការងារជូនកសិករ។
• លើកស្ទួយវិស័យកសិកម្មនិងសុវត្ថិភាពចំណីអាហារ។
• កាត់បន្ថយការនាំចូលនិងបង្កើនការនាំចេញទៅក្រៅប្រទេស។

ដាំដុះបន្ថែម

បង់ប្រាក់ដាំដុះ